ازاى تعمل شبكة انترنت فضائيه وتحولها لاسلكيه او سلكيه وتوزع على عملاء فى جميع دول العالم
بسم الله الرحمن الرحيم النهارده هانشرح الموضع ده وانا اتحدى اى حد ممكن يكون شافة فى اى موقع تانى
المهم النهارده هانقول ايه عشان الحصريات
ازاى نعمل شبكة انترنت فضائيه وتستقبلها فى اى بلد فى العالم بكل سهولة وبعد كده ازاى نوزعها لاسلكى او سلكى
بصو يا جماعه الموضوع مش صعب ومش سهل بس انا قبل ما ابتدى فى الشرح اولا لازم نكون عارفين ان خدمة الاقمار الصناعيه باهظة التكاليف ومربحة جدا يعنى لو حد ها يعملها عشان الربح يبقى يتكل على الله لكن لو حد هايعملها عشان غرض شخصى
يبقى يتحمل بقى التكاليف من غير ما يتازم
بوينت تو بوينت
----------------------
نخش فى الموضوع
اولا فى انظمة استقبال وارسال الانترنت الفضائى كثير
واشهرهم هو التوواى او ثنائى الاتجاه وهو ارسال واستقبال
وده ليه شرحتين اما بوينت تو بوينت او 1 بوينت
ايه 1 بوينت وايه تو بوينت اقولكم وان بوينت ده معناه انك هاتستقبل وبس اما تو بوينت معنها استقبال وكمان ترسل
بمعنى ايه اشرحلكم
انا النهارده قررت انى اخش مجال الانترنت الفضائى وابتدى اوزع واكون موزع انترنت فضائى
اولا بحط لفسى عدد معين من العملاء اوزعلهم خدمتى بمعنى 1 2 4 5 عملاء على حسب مانا عاوز
وبناء عاليه بيتكون السيستم اللى هاشتغل بيه
يعنى انا لو هادى عميل واحد غير لما ادى 100
المهم لو افترضنا ان انا هدى 10 عملاء يبقى انا هاحتاج الاتى
مكان خاص او غرفة مكيفة وده بسميه الهب بتاعى
وده بيكون فيه اجهزة التحكم فى السرعات والمشتركين وخلافة
ثانيآ نيجى للسيستم وده بيكون طبق امريكى الصنع مايقلش عن 3 امتار وبه بق 4 واط و2 ال ان بى واحده ارسال والتانيه استقبال
بجهز السيستم ده وابتدى اظبطة على قمر عرب سات او قمر به خدمات الستالايت
وابتدى اشوف شركة عشان اخد منها مساحة عشان امرر من عليها الانترنت بتاعى اللى انا واخده من اى شركة انترنت على التليفون الارضى بتاع المكان اللى انا بركب فيه سيستم الارسال ودى ديما بتكون بالدولار وخلى بالك انت كمان هاتبيع بالدولار
لو افترضنا انك هاتمرر 4 ميجا يبقى لازم تحجز مساحة تساعهم من القمر الصناعى عشان تقدر تعكسهم عاليه فى اى مكان مغطيه القمر اللى انت حاجز عليه
التفاصيل
هناخد من الخط الارضى الى روتر شركة النت اللى انت مشترك فيها ونخرج من الروتر بكبل لان عادى الى السيلفر بتاعك اللى انت هاتدير بيه النظام كله سواء ميكروتك او خلافة من الانظمه وناخد خرج السلفر اللى هو خط المشتركين ونركبه فى فتحة اسمها لان فى مودم النت الفضائى اللى انت مجهزه للسيستم بتاعك وده بيبقى شبه الرستيفر بتاع الدش بس ليه من الخلف فتحات وان ولان وسوتش
وده بيبقى مربوط بالطبق 3 متر اللى اتكلمنا عليه ونبتدى نبث على القمر الصناعى
كده خلصنا من مرحة الارسال نيجى بقى للاستقبال نقدر نستقبل الانترنت بتعنا من اى بلد فى العالم بيغطيها القمر اللى انت مشترك فيه بتجيب سيستم فضائى عادى خالص استقبال وتظبطة على نفس القمر وتنزل التردد الخاص بيك وتستقبل
الانترنت بتاعك يامعلم
احدى انظمة الاستقبال العالميه لشركة idirect
وعيش بقى تحوله على شبكة لاسلكيه او سلكيه زى ما انت عاوز
ومش بس كده انت كمان تقدر تمرر عليه مكالمات او فديو كميرات او تستقبل قنوات القمر كله
يعنى تقدر تستقبله فى البحر على السفن والمراكب عن طريق طبق اسمة المارين سات وده طبق عجيب ده وظيفتة انه يتحرك مع القمر كل ما السفينة اتحركت اوتوماتك او الطائرات او السفت
المارين سات الحجم الكبير
وده كان شرح مبسط يارب اكون قدرت اوصل الفكره
ولو حد احتاج اى مساعده انا تحت امر الكل
وبالله عليكم اللى ينقل الموضوع يذكر حقوقى
