اصنع بنفسك باور سبلاى يصلح يكو ستيشن - نانو ستيشن - بوليت - روكيت اومنى واى جهاز من شركه يوبيكويتى بيشتغل من 15 الى 24 قولت دى سى تكلفه الباور سبلاى 16 جنيه بالظبط

السلام عليكم ورحمه الله وبركاته              فكرة الاستاذ / a7med920  تم التجربة بنجاح

وصلى الله وسلم وبارك على سيدنا محمد وعلى أله وصحبه وسلم
ندخل فى الموضوع على طول 
باور سبلاى ينفع للتالى 


بيكو ستيشن - نانو ستيشن - بوليت - روكيت اومنى واى جهاز من شركه يوبيكويتى بيشتغل من 15 الى 24 قولت دى سى 
تكلفه الباور سبلاى 16 جنيه بالظبط 


وقت عمل الباور 9 دقائق بالظبط 


المكونات 
عدد 4 موحدات واحد أمبير لجميع الاكسيسات
السعر 2جنيه للـ 4 موحدات
او
عدد 4 موحدات 2 امبير فى حاله الروكيت اومنى 


مكثف قيمته 25 فولت و1000 ميكرو فاراد 


سعر المكثف 50 قرش تقريبا 


ترانس 2 أمبير تسعه زيرو تسعه 
وانا حبيت اكتبها كده عشان هو دا اللى حتقوله للراجل 
الترانس دى لو قالك مفيش غير واحد امبير حينفع 
انما 2 امبير عشان الروكيت اومنى فقط 
السعر 12 - الى 14 جنيه حسب شطارتك 
مكان بيع كل ما سبق عند اى محل كهربائى
مش لازم تنزل وسط البلد كل الاماكن فيها الكلام دا 


طريقه طلب الحاجات دى من المحل عشان محدش يضحك عليك فى السوق 
حتدخل على الراجل تقولوا 
عاوز الله يكرمك 4موحدات واحد امبير وترانس تسعه زيرو تسعه ومكثف الف على 25 فولت 
السطر دا كده بيبن انك فاهم كهربه ومحدش يشتغلك 


عدد واحد POE الخاص باكسيس التى بى لينك 
بيجى معاها فى العلبه وكلنا عندنا منه كتير 
السعر ببلاش 


كابل بجاك اللى بيكون فى الترانس بتاع التى بى لينك
يعنى بالبلدى اقطع اى كابل ترانس عندك بالجاك بتاعه ومعلش ملهوش صوره انا اسف 
السعر ببلاش 


طريقه التوصيل اتبع الدايره الللى مرسومه قدامك على الورقه 


وطريقه توصيل الموحدات باين بردو على الصوره انا كاتب وشارح عليها
لو الصوره مش باينه حمل الصوره
وافتحها باى برنامج
واعمل زووم 
وانت حتلاقى الصوره وضحت معاك جدااا


اهم حاجه فى الاخر ان الكابل اللى انت حتاخده من الترانس ااو الادابتور اللى بايظ


حيكون فيه كابل اسود بخط ابيض دا تحطه على الطرف الموجب او الطرف اللى مكتوب عليه علامه + قدامك فى الصور


بالنسبه لتوصيل الترانس منين حتعرف الدخل والخرج؟
اولا الدخل بيكون كابلاته تخينه
والطرف زيرو احنا مش عاوزينو 
طيب الطرف زيرو هو الكابل التخين الموجود فى النص
اللى هو عندى لونه اسود وعامل فيه عقده فى الصوره 
يعنى الطرفين التانيين دول حنحط عليهم الكهربه ال 220 على طول من الفيشه






كذلك الخرج بتاع الترانس 


الخرج بتاع الترنس هو للى من الناحيه اللى سلكها رفيع جداا
حتلاقى 3 اطراف 
الطرف اللى فى النص ملناش دعوه بيه 


وناخد الطرفين التانيين نحطهم زى ماهو مكتوب على الصوره الخاصه بخرج اطراف الترانس 


الله أسال لكم التوفيق جميعا 
ولالاحتكار الباورات واحنا مش اقل من الاجانب 


ملحوظه الاكسيس شغاله تمام بدون مشاكل ولا تهنيج ولا اى حاجه بفضل الله 
ومتنساش تحميه من الميه مثله مثل اى باور









هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 600x800 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 600x800 .







هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1200x1600 .


الموجب هو الجزء اللى بيتقابل فيه موحدين من العلامه الرمادى 
يعنى العلامه الرمادى اللى موجوده على الموحدين اللى قبال بعض هى دى الموجب بتاعك اللى حتحط عليه الطرف الابيض فى اسود اللى اخره الجاك


هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1200x1600 .